Валерый Анісенка

Гэта кніга – захапляльны аповед пра жыццё ў тэатры і тэатр у жыцці слыннага рэжысёра і акцёра, заслужанага дзеяча мастацтваў Рэспублікі Беларусь, прафесара, няўрымслівага і акрыленага творчасцю чалавека, які плённа працуе на ніве айчыннага тэатральнага мастацтва.

У тэкстах пісьменнікаў Уладзіміра Ліпскага і Зіновія Прыгодзіча, іншых вядомых людзей, а найперш у дзённіках самога Валерыя Анісенкі праўдзіва паказваюцца жыццёвыя турботы, мары, пачуцці героя, раскрываюцца глыбіня і складанасць Асобы нястомнага творцы, для якога жыццё і тэатр – паняцці непадзельныя.

Выданне будзе цікавае найперш творчай моладзі, студэнтам творчых спецыяльнасцяў, якія толькі пачынаюць сваю прафесійную дзейнасць, а таксама ўсім аматарам тэатральнага мастацтва Беларусі.