Фізічная культура і здароўе. 1-4 класы. Прыкладнае каляндарна-тэматычнае планаванне. 2018/2019 навучальны год. Электронная версія

У апошнія гады ў сістэме адукацыі нашай краіны адбываюцца значныя змены. Змяняецца заканадаўства аб адукацыі, удасканальваюцца канцэптуальныя падыходы да фізічнага выхавання вучняў, зацвярджаюцца новыя адукацыйныя стандарты, распрацоўваюцца і ўкараняюцца ў практыку новыя вучэбныя праграмы «Фізічная культура і здароўе». Усё гэта патрабуе пераасэнсавання традыцыйных форм і метадаў рэалізацыі задач вучэбных праграм па вучэбным прадмеце «Фізічная культура і здароўе».

Практыка паказвае, што паспяховасць авалодання вучнямі праграмным матэрыялам шмат у чым залежыць ад логікі яго размеркавання ў структуры вучэбнага працэсу. Планаванне зместу вучэбнага матэрыялу па прадмеце «Фізічная культура і здароўе» значна адрозніваецца ад планавання па іншых прадметах. Гэта абумоўліваецца не толькі структурай вучэбных праграм, але і спецыфікай выкладання дадзенага прадмета ў пачатковых класах.