Англійская мова. 3-9 класы. Прыкладнае каляндарна-тэматычнае планаванне. 2018/2019 навучальны год. Электронная версія

К 2018/19 навучальнаму году падрыхтавана прыкладнае каляндарна-тэматычнае планаванне па англійскай мове для 3-9 класаў устаноў агульнай сярэдняй адукацыі, у якіх на вывучэнне замежнай мовы адведзена па 3 вучэбныя гадзіны на тыдзень (105 гадзін на год).

Прыкладнае каляндарна-тэматычнае планаванне адпавядае дзеючым вучэбным праграмам, зацверджаным Міністэрствам адукацыі Рэспублікі Беларусь. Змест навучання англійскай мове накіраваны на развіццё камунікатыўнай кампетэнцыі і яе складнікаў: маўленчага, моўнага, сацыякультурнага, кампенсаторнага, вучэбна-пазнавальнага.

Моўны матэрыял звязаны з прадметна-тэматычным зместам камунікацыі і служыць асновай для вырашэння камунікатыўных задач. На ўроках англійскай мовы настаўнік плануе як мага больш камунікатыўных сітуацый, максімальна набліжаных да рэальных, што дазволіць вучням развіваць камунікатыўныя ўменні.

Звяртаем увагу, што асноўны вучэбны матэрыял павінен быць засвоены вучнямі на ўроку.