Я нiколi не… У Мiнску (18+)

Адпраўляйцеся ў шматгранны свет Мінска з гульнёй "Я ніколі не... у Мінску". Вам давядзецца ўспомніць, ці спрабавалі вы каву "Оскар", ці не прыставалі да вас блогеры на Нямізе? А можа, вы блыталі Кастрычніцкую вуліцу са станцыяй метро “Кастрычніцкая”?

Даследвайце лакацыі сталіцы Беларусі – ад велічнага опернага тэатра да ўтульных вулачак "Мінскіх Патрыкаў". Правілы простыя і нязменныя: калоду кладуць у цэнтр, кожны гулец па чарзе цягне карту і чытае фразу. Калі нехта з прысутных хоць раз у жыцці рабіў тое, аб чым напісана, ён павінен расказаць гісторыю, як гэта адбывалася. А таксама выканаць штраф, які вы ўсёй кампаніяй прыдумаеце напачатку гульні. Гэта можа быць спартыўнае (10 прысяданняў), гастранамічнае (з'есці што-небудзь незвычайнае) ці бытавое заданне (пачысціць бульбу).

"Я ніколі не... у Мінску" – не проста гульня, гэта ваша падарожжа па сэрцы нашай сталіцы!