Имаджинариум

Шыкоўная гульня на асацыяцыі. Чым мне падабаецца гульня? Тым, што яна падыходзіць уcім людзям. Чалавек, які не любіць лічбы не будзе гульць у Манчкіна або Эвалюцыю, але выдумваць асацыяцыі можа кожны, таму гэтай гульнёй можна прымусіць чалавека любіць настолкі. Гэта тая гульня, у якой можна не тлумачыць правілы, а проста згуляць адзін ход і ўсе ўсё зразумеюць. Мэта гульні - набраць 30 балаў(там ёсць прыгожае поле і трусы, якімі вымяраюцца балы). У кожнага на руце шэсць картак. Тый, хто ходзіць абірае картку, прыдумвае асацыяцыю і кладзе яе(картку) на стол. Астатнія павінны абраць з сваіх картак тую, якая на іх погляд больш падыходзіць да гэтай асацыяцыі і таксама яе пакласці. Карткі перамешваюцца і адкрываюцца. Цяпер кожны павінен адгадаць, якую з гэтых картак паклаў тый, хто ходзіць. Можна прагаласаваць толькі за адну картку(гэта робіць з дапамогай фішак з нумарамі, якія выдаюцца гульцам). Балы атрымліваюць тыя, хто прагаласаваў за правільную картку і тыя, за чыю картку прагаласавалі. Калі так здарылася, што ўсе адгадалі або не адгадалі правільную картку, то балы атрымліваюць усе, акрамя таго, хто яе паклаў. Некаторыя кажуць, што калі доўга гуляць у адной кампаніі - то гульня хутка надакучыць. Я лічу, што гэта не так, бо да кожнай карткі можна прыдумаць розныя асацыяцыі. Яшчэ да гэтай гульні ёсць некалькі дадаткаў. Таксама некаторыя спрачаюцца, што лепш: Дыксіт або Імаджынарыум. Мой адказ - Дыксіт, бо тут больш прыгожыя і мілыя карткі.