Страшные сказки

Пазнаёміўся я з гэтай гульнёю пару гадзін таму, на гульнятэке. Гуляў я канешне не з сябрамі(а з рандомнымі людзьмі), але эмоцыі найлепшыя. Правілы вельмі простыя. Па-першае, у гульне ёсць некалькі тыпаў жэтонаў рэчаў(меч, даспехі, чароўная палка, манета), якія вы будзеце атрымліваць за тое, што выкарыстоўваеце карткі. Па-другое, ёсць жэтоны з ачкамі перамогі, колькасць якіх уплывае на тое, пераможаце вы ці не. Атрымліваць вы іх будзеце таксама за выкарыстоўвання картак. Яшчэ ёсць карткі сцэнарыяў, двух тыпаў: А і В. Першыя адказваюць за тое, як можна выкарыстоўваць жэтоны пад час гульні(напрыклад, абмяняць чароўную палку і даспех на манету + 3 ачка перамогі). Другія за тое, што можна зрабіць з жэтонамі у канцы гульні. Карткі сцэнарыяў абіраюцца ў самым пачатку гульні і больш не змяняюцца - гэта дададае кожнай гульне арыгінальнасць і свае правілы. Потым(пасля высвятлення картак сцэнарыяў) пачынаецца гульня. Кожны набірае сабе тры карткі і ходзіць па чарзе. Карткі падзяляюцца на некалькі тыпаў: мужчына, жанчына, злыдзень, месца і дзеянне. У кожнай карткі ёсць дзеянне, якое трэба выканаць. Амаль заўсёды гэта звязана з нейкімі карткамі або жэтонамі. Гульня скончваецца тады, калі ў каго-небудзь скончваюцца карткі. Ну і перамагае тый, у каго больш ачкоў перамогі. Трэба дадаць, што малюнкі на картках вельмі прыгожыя. Выдатная гульня за добры кошт.