Нетрадыцыйныя ўрокі беларускай мовы і літаратуры

Вучэбна-метадычны дапаможнік адпавядае сучасным дасягненням метадычнай і літаратуразнаўчай навук. Асноўны змест дапаможніка складаюць нетрадыцыйныя ўрокі і ўрокі на аснове нетрадыцыйных адукацыйных тэхналогій.

Асноўная мэта дапаможніка – дапамагчы настаўнікам мовы і літаратуры правесці заняткі праз ажыцяўленне ў выхаваўчым працэсе кампетэнтнаснага падыходу. У дапаможніку асноўная ўвага скіравана на ўкараненне сістэмна-дзейнаснага падыходу да працэсу выкладання мовы і літаратуры, актывізацыю вучэбна-пазнавальнай дзейнасці вучняў, замену малаэфектыўных славесных сродкаў перадачы ведаў і выхавання магчымасцю праектавання сумеснай дзейнасці вучняў і настаўніка. У дапаможніку аўтар акрэслівае у поўнай меры тыя сучасныя тэхналогіі, якія дазваляюць адаптаваць змест вучэбнага матэрыялу, метады і формы навучання да асаблівасцей кожнага вучня. У кнізе вызначана і раскрываецца ў пэўнай меры важная праблема сучаснага настаўніка – абагачэнне ўласнага вопыту ведамі інавацыйных методык навучання і выхавання.

Прызначаны настаўнікам беларускай мовы і літаратуры устаноў агульнай сярэдняй адукацыі з рускай і беларускай мовай навучання.