Пісьменнік Віктар Праўдзін нарадзіўся ў горадзе Ліда Гродзенскай вобласці ў сям’і ваеннаслужачага. У 1957 годзе бацька пісьменніка, капітан Савецкай арміі Праўдзін Аляксандр Рыгоравіч, ідзе ў адстаўку і разам з жонкай Зінаідай Арсенцьеўнай і сынамі Уладзімірам і Віктарам пераязджае на Віцебшчыну, у саўгас "Гарадзец" Шаркаўшчынскага раёна.
Пісьменнік Віктар Праўдзін нарадзіўся ў горадзе Ліда Гродзенскай вобласці ў сям’і ваеннаслужачага. У 1957 годзе бацька пісьменніка, капітан Савецкай арміі Праўдзін Аляксандр Рыгоравіч, ідзе ў адстаўку і разам з жонкай Зінаідай Арсенцьеўнай і сынамі Уладзімірам і Віктарам пераязджае на Віцебшчыну, у саўгас "Гарадзец" Шаркаўшчынскага раёна. (На той час гэта быў Плісскі раён з раённым цэнтрам у гарадскім пасёлку Падсвілле.) Нейкі час, а дакладней, з лютага па лістапад 1957 года, сям’я жыла ў мястэчку Лужкі (тэрытарыяльна яно ўваходзіла ў саўгас "Гарадзец"), а потым у адным з пакояў дома, дзе месцілася саўгасная кантора. 10 чэрвеня 1959 года ў сям’і Праўдзіных нарадзіўся яшчэ адзін хлопчык, якога бацькі назвалі Аляксандрам.
Усе гарадзецкія дзеці і дзеці з вёскі Прагулянка (Цяпер в.Дзіўнае) спярша вучыўся ў Гарадзецкай пачатковай школе, а ў пяты клас іх пераводзілі ў Лужкоўскую сярэднюю школу. У 1969 годзе сям’я пераязджае ў раённы цэнтр, гарадскі пасёлак Шаркаўшчына. У 1972 годзе Віктар Праўдзін заканчвае Шаркаўшчынскую сярэднюю школу і пасля няўдалай спробы паступіць у Ленінградскае вышэйшае ваеннае агульнавайскавое вучылішча ўладкоўваецца працаваць рабочым піларамы ў Шаркаўшчынскую міжраённую будаўнічую арганізацыю. У 1973 годзе па накіраванні камсамольскай арганізацыі скончыў курсы трактарыстаў-экскаватаршчыкаў у мястэчку Друя Міёрскага раёна. 9 мая 1973 года быў прызваны на службу ў Савецкую армію, служыў на Балтыйскім ваенным флоце на малым супрацьлодачным караблі.
Дэмабілізаваўся ў 1976 годзе і па 1994 год працаваў ў праваахоўных органах Рэспублікі Беларусь. У 1981 годзе скончыў Мінскую вышэйшую школу МУС СССР, мае адукацыю юрыста-прававеда.
З 1994 года па 2001 год працаваў намескікам галоўнага рэдактара часопіса "Нёман", з 2001 па 2002 вібіраўся першым намеснікам старшыні Саюза беларускіх пісьменнікаў. З 2002 па 2003 - намеснік галоўнага рэдактара часопіса "Полымя". З 2003 па 2008 - галоўны рэдактар выдавецтва "Мастацкая літаратура". З 2008 па 2010 - першы сакратар Саюза пісьменнікаў Беларусі. З 2010 - на творчай працы.
Першыя апавяданні пісьменніка пабачылі свет у 1987 годзе ў газеце "Звязда", у 1988 годзе - у часопісе "Маладосць".
