Тут сабраныя кнігі на роднай мове — ад старадаўніх паданняў да твораў сучасных аўтараў. Варта звярнуць асаблівую ўвагу на серыю «Мая беларуская кніга», у якой выдаюцца:

• беларускі фальклор — песні, казкі, легенды і г. д.;
• творы пісьменнікаў, якія стаялі ля вытокаў нацыянальнай літаратуры — Вінцэнта Дуніна-Марцінкевіча, Яна Баршчэўскага і інш.;
• творы класікаў — Янкі Купалы, Якуба Коласа, Максіма Багдановіча i г. д.
• творы пісьменнікаў — папулярызатараў айчыннай гісторыі накшталт Уладзіміра Караткевіча і Канстанціна Тарасава;
• працы грамадска-палiтычных дзеячаў кшталту Вацлава Ластоўскага.

Класічная беларуская літаратура выдаецца і ў іншых серыях — «Беларускі кнігазбор» і «Бібліятэка саюза пісьменнікаў Беларусі».

Сучасная беларуская літаратура прадстаўлена айчыннай фантастыкай і фэнтэзі — творамi Алеся Аляшкевіча, Аляксея Шэіна, Зінаіды Дудзюк.

Для тых, хто жадае далучаць дзяцей да роднай літаратуры з маленства, існуюць выдатныя дзіцячыя кнігі беларускіх пісьменнікаў з вершыкамі, загадкамі, лічылкамі, дражнілкамi кшталту «Выйшаў зайчык пагуляць» Артура Вольскага і «Выпаў грук у грома з рук» Рыгора Барадуліна.