Зіновій Прыгодзіч: "Шчасце – служыць дабру"

Зіновій Прыгодзіч – вядомы беларускі журналіст, галоўны рэдактар папулярнага ў краіне часопіса "Гаспадыня". Член Саюза пісьменнікаў СССР і Саюза пісьменнікаў Саюзнай дзяржавы. Лаўрэат Нацыянальнай літаратурнай прэміі, заслужаны дзеяч культуры Рэспублікі Беларусь. Аўтар каля 40 мастацкіх і дакументальных кніг. Яго аповесці "Ноч перад нядзеляю", "Журба мая светлая", "Чаромхавыя халады", шматлікія апавяданні і эсэ ўзнімаюць важныя, актуальныя праблемы – лёс сучаснай беларускай вёскі, узаемаадносіны бацькоў і дзяцей, радасці і пакуты першага кахання, прычыны п'янства і іншых амаральных з'яў.

Гэтая кніга ў серыі "Асоба і час" – своеасаблівыя агледзіны пражытага і перажытага пісьменнікам, спроба асэнсаваць сябе ў кантэксце часу. Аўтабіяграфічныя нататкі, артыкулы, эсэ, інтэрв'ю спрыяюць атрыманню чытачом цэласнага ўяўлення пра жыццё і творчасць аднаго з выбітных пісьменнікаў Беларусі.