Заўтра была адліга – 2

"Заўтра была адліга – 2" – працяг дзённікавага рамана паэта, пачатак якога прыйшоў да чытачоў праз кнігі Віктара Шніпа "Пугачоўскі цырульнік" (2013), "Заўтра была адліга" (2015) і "Трава бясконцасці" (2018). Дык пра што ж працяг рамана? Калі коратка- пра штодзённасць, якую ўсе мы пражываем і часта нічога для памяці не заўважаем. Аўтар не толькі заўважыў, але і занатаваў яркія моманты з быцця сваіх родных і блізкіх, нечаканыя факты з біяграфій вядомых людзей, варункі вучобы ў Літінстытуце (1985-86), таямніцы легендарнага Таварыства літаратараў "Тутэйшыя"(1988), мітрэнгі рэдактарскай працы, вандроўкі ў снах і наяве. І ўсё гэта разам сплялося ў цікавую празаічна-паэтычную гісторыю, чытаючы якую можна і засмяяцца, і заплакаць, і задумацца.