Джон Ленан аднойчы сказаў: "Рэальнасць шмат чаго пакідае ўяўленню". Калі мы чытаем цiкавую кнігу, то неўсвядомлена дазваляем персанажам пранiкнуць у наша жыццё. Пакуль вочы нецярплiва бегаюць па радках, вобразы ажываюць вакол нас, становяцца часткай падзей, якія мы пражываем. Калі мы гуляем з сабакам, п'ем каву ці атрымліваем асалоду ад атмасферы любімых вулачак, менавіта ўяўленне дазваляе героям выйсці за межы кніжных старонак.

Перад вамі першая сумесная калекцыя OZ і Vokladki, дзе ўяўленне побач з рэальнасцю. Захопленыя чытачы зусім не заўважаюць, што персанажы кніг ужо сышлі са старонак на прастору любімай мінскай вуліцы. І ўсё, што жыло ва ўяўленні, раптам становіцца рэальным. Пакуль апошняя старонка не будзе перагорнута, рыцар будзе прызнавацца ў каханні прынцэсе, сышчык пiльна назіраць, а Белы Трус чакаць сваю Алісу, каб разам з ёй трапіць у абдымкі прыгод. А потым... потым у руках новая кніга, і вось уяўленне зноў пераплятаецца з рэальнасцю.